• 季節
  • 主題渡假
  • 天數5-8天
  • 人数情侶
  • 文章性質食玩攻略
  • 人均消費6000-16000

沖繩有好多天然景點, 但係每次去呢啲地方. 大家都會擔心好多野, 例如遠唔遠架? 附近有冇野行? 有冇巴士搭, 幾耐一班車, 定係一定要自駕?
今日就等我帶大家去一個 到此一遊 但係又必去既景點, 就係萬座毛喇.

我地睇睇地圖先, 大家可以見到, 萬座毛距離那霸市有一段距離, 反而比較近名護市. 雖然有巴士可以到達, 但係落左車之後要行成15分鐘, 加上車程太耐, 巴士呢個方法會放去本文最後先講. 自駕遊既朋友, GPS請輸入電話號碼0989661280.

 

 

去到萬座毛, 首先會見到一個大停車場同埋手信店. 要注意既係呢個停車場唔係好大, 加上好多旅遊巴上上落落. 所以就算閒日黎都要排隊等位入場. 不過好彩既係, 呢度無乜野行, 仲要無食肆, 所以啲車好快就走. 一如沖繩既景點停車場, 呢度係免費泊車的. 好喇, 落地行喇!

 

 

 

好大個草地, 不過唔入得的. 行人只可以圍住個懸崖邊一條窄窄既行人路行. 就係下圖呢條.

咁多人望住同一個方向為乜? 咪就係為左影對面個萬座毛囉.

有冇啲比人呃左既感覺? 無錯呀!! 個萬座毛其實係喺對面, 你要隔住條河黎影佢相的. 由於太無聊, 所以我寧願周圍影下.

 

 

唔駛五分鐘就行完, 又要上返車走喇. 不過一場黎到恩納村, 大家都想知周邊有冇特別野, 跟我黎睇下個地圖先啦.

首先介紹大家去恩納海濱公園遊樂場, 如果你帶埋小朋友黎既話, 呢個遊樂場唔錯的, 都幾大, 而大朋友可以行下沙灘.

自駕遊既朋友可以再去遠少少, 去御菓子御殿既恩納店, 呢間店夠晒大, 仲可以睇住佢整和菓子同埋比你落手落腳試整添. 怕左國際通嗰間太多人? 去呢間就岩晒喇.

交通指南:

無論你係由那霸市 (機場 / 那霸巴士總站)出發, 定係由名護巴士總站出發, 都係搭120號巴士就可以直達 “恩納村役場前” 站落. 有睇過我BLOG既朋友都知道, 120號係一條遊花園路線, 由那霸出發車程要兩個鐘, 而由名護出發車程要一個鐘. 班次係約30分鐘一班車. 有需要搭巴士既朋友, 睇定時間表先搭車呀.
分享
1 Star2 Stars3 Stars4 Stars5 Stars (No Ratings Yet)
Loading...
前一篇文章沖繩文化王國 (玉泉洞)
下一篇文章AEON MALL Okinawa Rycom