• 季節
  • 主題渡假
  • 天數5-8天
  • 人数個人
  • 文章性質遊記
  • 人均消費6000-16000

東京, 大阪, 沖繩都去過晒喇, 今次去東京同大阪既中間 – 名古屋名古屋除左SKE48之外, 真係無乜特別既野, 就連名古屋既調查都話, 名古屋人都覺得名古屋好悶, 無野好行. 今日我就帶大家去名古屋既一條步行街 – 大須新天地通 度行下啦.

JR東海道新幹線

 

 

 

 

 

今次我係由東京東海道新幹線過去既, 車程約一小時45分鐘, 途中可以影到富士山. 提提大家, JR EAST東日本既所有PASS都唔包東海道新幹線的, 所以如果你想搭新幹線來回東京名古屋大阪京都既話, 一定要買全國JR RAILWAY PASS, 咁當然貴好多啦, 七天連續任搭要¥29110, 即係成二千蚊港紙架!

名古屋地下鐵

名古屋有兩大旅遊點, 一個叫 ““, 一個係 “上前津” (即今集講既大須新天地通), 兩個地方都係搭地下鐵先可以去到的. 黎到名古屋基本上無乜機會搭JR, 而由名古屋站來往名古屋中部國際機場既話, 就要座名鐵, 特急車程約30分鐘左右.

上前律 (大須新天地通)

 

 

 

上前律站8號出口出, 你就會見到上面個大招牌, 轉入去呢條橫街, 就會見到下面呢隻招財貓, 就表示你已經黎到大須新天地通喇.

 

 

 

 

從上面既店鋪圖可以睇到, 呢度同東京吉祥寺其實好相似, 都係橫橫直直咁周圍行就可以行得晒, 呢度話大唔大話細唔細, 快極都要個幾鐘先行得晒. 加上店鋪種類非常多, 連小食同珠珍奶茶都有. 大家可以慢慢睇慢慢行.

 

 

 

 

 

 

 

 

 

 

 

全條行唯一我想特別介紹既就係上面呢間USED MARKET by KOMEHYO. 其實呢間鋪喺東京同大阪都有分店, 而名古屋呢間就淨係買賣衫既, 真係平得好緊要, 加上店家收衫時會Check清楚, 有冇問題都會寫喺個價錢牌上面. 唔同既日子, 仲會有唔同既特價活動, 所以你可以連續去幾日格下價都得. 唔好錯過喇.
最後, 如果大家有興趣既話, 可以去埋大須觀音寺參觀. 詳情可以睇名古屋觀光指南網頁: (http://www.nagoya-info.jp/zhtw/see/facilities/osu_kannon_shinpukuji_temple.html)

 

行左個圈, 又返番黎呢隻招財貓度, 就可以沿路走, 搭地鐵去下一個景點,  喇. 下集見!!
分享
1 Star2 Stars3 Stars4 Stars5 Stars (No Ratings Yet)
Loading...
前一篇文章名古屋 – 栄
下一篇文章沖繩結婚指南