• 季節
  • 主題渡假
  • 天數5-8天
  • 人数個人
  • 文章性質遊記
  • 人均消費6000-16000

上集介紹完大須新天地通, 今集黎到. 黎得名古屋就一定會黎呢度. 就好似香港既尖沙咀, 要名店有名店, 要百貨就三越, 仲有年青人行既商場, 同埋觀光塔. 要黎好容易, 都係搭地下鐵, 由名古屋站過黎只需兩個站.

 

 

 

 

 

從地鐵站出黎, 就係Central Park地下商場, 當中上圖呢間星乃咖啡店好多年青人黎幫親, 佢個厚鬆餅非常受歡迎, 個餅入面係雪糕黎, 又凍又熱咁, 好精彩! 但係好飽.

跟住落黎, 沿住指示牌, 去另一個商場, Oasis21.

 

 

 

 

 

Oasis21既特點就係佢個外型, 佢喺天台起左個超大水池, 從地下望上去, 見到上面有水流動, 非常有型. 加上佢個外型好似隻飛船咁呈現喺你眼前, 所以由建成到依傢都係名古屋既地標. (其實講地標, 名古屋真係太多, 旁邊座電視塔又係地標, 過條馬路又有個摩天輪商場又係地標.)
呢個外型咁獨特既商場, 大家都估到佢係Target年青人架啦, 所以食店同店鋪都係電訊, 旅遊同動漫為主. 我地繼續睇相.

 

 

 

 

呢個角度影電視塔一流, 座塔可以比錢上去參觀的, 有興趣既朋友可以去玩下, 入場費係¥700.

 

 

 

 

遠望三越, 旁邊係松坂屋, 黎呢度大把百貨你行.

 

遠望Sunshine Sakae (摩天輪商場), 離開Oasis21, 我地就會過去呢個Sunshine Sakae商場度行下.

 

 

 

呢幾個商場, 都係一眼可以望到既距離, 所以行幾分鐘就到, 沿途有LV, COACH呢度名店, 跟住一大座摩天輪就喺你眼前.

 

 

Sunshine Sakae既正對面, 係激安之殿堂. 所以, 名店之後, 又黎到年青人流連既地方.

 

想玩摩天輪既話, ¥500一次.

 

 

 

 

 

 

 

 

 

 

Sunshine Sakae樓高五層, 正如第一張相可以睇到, 呢度有少量餐廳, 其中一層全層係CD鋪, 其餘既樓層都係賣MK衫既店鋪, 而最特別既係, 呢度係日本女團SKE48既基地, 所以有Cafe, Shop同埋劇場. 上面睇相都一一睇過晒喇.

名古屋之旅一日就玩完, 我就即日來回返東京. 如果大家係Stay名古屋幾日既話, 可以參觀埋名古屋特產豐田車廠名古屋城.

說實話, 名古屋真係好悶. 哈.

分享
1 Star2 Stars3 Stars4 Stars5 Stars (No Ratings Yet)
Loading...
前一篇文章森之玻璃館
下一篇文章名古屋 – 大須新天地通