• 季節
  • 主題渡假
  • 天數5-8天
  • 人数個人
  • 文章性質遊記
  • 人均消費6000-16000

沖繩其中一樣出名既係琉璃 (即係玻璃啦), 所以燒玻璃呢個遊戲已經係每一個去沖繩既旅客必做既事. 沖繩呢度, 大大話話有十幾間私人經營既玻璃體驗館, 唔知揀邊間好既話, 跟我去呢間森之玻璃館啦.


從上面張地圖可以睇到, 森之玻璃館位於名護, 熟路既朋友都睇得出, 地圖最左上角就係水族館啦.
至於點解我會介紹呢間鋪比大家呢? 一黎, 佢同菠蘿園只係5分鐘車程, 去完菠蘿園再過黎岩岩好. 二黎, 呢間賣琉璃既店鋪面積好大, 好多唔同種類既琉璃都有得賣. 三黎, 呢度無乜旅行團, 就算你無預約, 就咁行埋去Walk in都唔駛等好耐就有得玩. 好喇, 等我帶大家去參觀佢間鋪先.

 

 

 

 

 

 

上圖呢種係儲光杯黎架, 不過好貴. =.=”

 

 

上圖呢種杯, 我去過好多間手信店, 得呢度有得賣架咋. 你睇幾特別.

最後, 提提大家, 雖然沖繩呢度好多手信鋪都有琉璃製品賣, 不過要留意, 有啲製品並唔係沖繩造架!!! 上圖解釋左, 沖繩製既玻璃係唔可以受熱的, 所以唔可以入微波爐亦唔可以放熱水. 而另一種 (越南製) 的就可以受熱. 所以如果你喺手信店見到佢寫住冷熱水都用得既話, 就即係越南製既!! 唔好買錯呀!! 咁當然啦, 黎森之玻璃館買就一定係沖繩原產喇. 好, 講左咁耐, 我地去燒玻璃喇!

燒玻璃杯體驗

 

 

親手做一隻玻璃杯, 只需¥1620. 唔平又唔貴咁啦, 成個過程大約10分鐘左右, 其實呢啲體驗已經做到好流水作業, 你叫做每個步驟都有掂過下咁啦, 好喇, 開始第一步, 吹…..玻璃.

吹完之後, 就會變成一個燈膽咁既形狀, 襯佢未凍之前撐開佢變成杯型.

 

 

跟住就要再燒燒佢, 等佢溶番少少再定過型.

 

 

就係咁, 一隻親手製既玻璃杯就完成喇. 呢個時候要灘凍兩日, 即係當你整嗰刻係星期一既話, 要星期三開鋪後先有得拎. 所以想去玩燒玻璃既朋友記得要PLAN行程頭一兩日去森之玻璃館度燒玻璃呀.
交通指南:
呢度無巴士可以到, 所以唯有自駕. 喺GPS度輸入電話號碼: 0980542121就可以.
分享
1 Star2 Stars3 Stars4 Stars5 Stars (No Ratings Yet)
Loading...
前一篇文章沖繩菠蘿園
下一篇文章名古屋 – 栄