• 季節
  • 主題攝影
  • 天數9天及以上
  • 人数一家人
  • 文章性質食玩攻略
  • 人均消費16000以上

今日帶大家黎行下下北沢, (邊度黎?) 下北沢距離東京市好近, 由新宿過黎都係十拎分鐘. 下北沢係行街買衫既好地方黎架!! 如果你覺得澀谷太潮, 原宿太MK, 表參道太貴既話, 就梗要去日本學生妹好鍾意去既下北沢啦.

上圖可以睇到, 由新宿出發, 搭小田急電鉄 (即係之前教過大家去江之島同埋箱根既電車公司) 幾個站就到. 又或者由澀谷轉車過黎都一樣可以.

從地圖可以睇到, 下北沢站係分北口南口兩個出口而已, 好易搵. 如果你想買衫掃二手店, 行下無印良品, Village Vanguard等等既話, 就要由北口出. 南口係住宅區, 雖然都有衫賣, 但係比較平民款. 不過亦都因為南口係住宅區, 所以呢度有電器同GAME賣. 我地由南口開始講起.

下北沢南口商店街

 

 

 

 

 

 

 

 

下北沢南口商店街唔係好長, 大約好似女人街咁上下長啦, 一條街行到尾. 沿路返轉頭, 就可以過番去北口. 我由地圖既右手邊, 本多劇場開始向左行.

下北沢一番街

 

 

本多劇場呢段主要係街市, 再向地圖既左手邊行, 就會見到下面既一番街牌, 入左去之後, 就係尋寶既天堂!

 

下北沢一番街除左可以行街之外, 其實仲有唔少食肆, 大部份都係CAFE黎. 好寫意!

 

 

 

 

 

 

 

 

 

 

 

 

 

 

 

大家可以睇到, 無論地鋪定係閣樓都係鋪頭, 呢度有好多二手時裝店, 另外時裝既款色都比較Collect Point. (Fashion既野我識條鐵咩? 我淨係識用Collect Point黎形容).

近電車站既北口, 有呢間超大既無印良品, 入面乜都有, 當然唔少得有傢俬!

上面講過, 呢度有好多CAFE, 求其一條橫街都有間, 行到攰, 咪坐低飲杯野食個tea囉.

 

回程, 返新宿, 大家可以見到班次都幾密架. 有特急坐特急, 會快幾分鐘去到新宿.
分享
1 Star2 Stars3 Stars4 Stars5 Stars (No Ratings Yet)
Loading...
前一篇文章士林夜市
下一篇文章中友百貨