• 季節
  • 主題渡假
  • 天數1-4天
  • 人数情侶
  • 文章性質遊記
  • 人均消費6000以下

好耐都無去台北, 今年再去, 士林夜市都搬埋 (其實都搬左幾年啦) 不過好彩, 今次係同當地人一齊去, 所以今集可以帶大家去由當地人介紹既兩間平靚正美食. 一間係鐵板燒, 一間係食雪花刨冰的! 不過, 我地行陣街先啦.

新既士林夜市同樣位於劍潭站 (地圖左手邊圖黃色區域就係). 主要由三條街組成, 包括基河路大東路同埋文林路. 當中基河路係遊戲區以及食堂; 大東路係行街買野既; 而文林路就比較雜啲, 小食同買衫既都有, 不過比較少人行. 大家由劍潭站出口1出站就可以. 順帶提一提既係巴士站E就係去美麗華既免費穿梭巴士站.

 

 

一出捷運, 大家去到呢個交通燈位, 就可以清楚睇到三條路既分佈. 我地由大東路出發!

大東路

 

 

 

左邊大東路, 右邊係文林路

 

 

 

 

 

 

台灣既夜市都有夾公仔既, 不過啲公仔好山寨.

 

十分既手信, LED小天燈都有

 

 

台灣都有格仔鋪架, 全部都係淘寶貨. 失望.

 

 

 

 

台灣其中一樣好出名但係大家又無留意既, 就係遮! 台灣做遮唔錯架.

 

 

日本篇我就成日都會介紹大家去ABC MART的, 所以呢間我無入去了.

 

 

 

呢間扭蛋真係要介紹下, 好大的. 乜都有得扭, 老闆話可以代訂添.

 

大東路行到尾, 主要係賣波鞋的. 留意大家慢慢行喇, 去食野先. 所以去番捷運站個燈位, 往基河路出發.

基河路

 

 

 

 

 

 

 

 

 

大家睇到啦, 基河路好多遊戲玩架. 而台灣夜市最常有既就係麻雀BINGO, 飛鏢同槍GAME. 拿, 今次我唔認叻喇, 20發子彈, 我中18發啫. 歡迎大家取笑我. 唔笑就繼續行.

 

當大家行到去士林市場, 就表示你黎到美食區喇, 美食區在B1地庫的.

 

 

地庫美食區就好似香港既大排檔咁, 乜都有得食, 大家可以慢慢行下睇下.

 

 

 

 

 

今日為大家介紹既, 就係呢間老攤鐵板燒, 有成30年歷史架喇, 喺舊士林夜市時已經開業. 至今依然屹立不倒, 就知有幾好食.

 

 

左手邊既套餐, 一般都係二三蚊台幣就有, 即係大約60-70蚊港幣左右.

 

 

廚師會喺你面前即燒, 燒好就會放喺你面前熱住佢. 幾個人去既話, 最好叫唔既野share黎食. 咁就乜都可以試下.

 

呢味燒牛柳好食到癲, 大家一定要試.

 

開邊燒蝦都唔錯.

 

燒三文魚, OK啦. 三文魚我都係鍾意刺身多啲.

 

炒雜菜唔少得架啦, 雜菜唔錯喎, 堅好食!! 跟餐仲有碗白飯. 邊度食得晒? 叫埋罐可樂, 爽皮! 下次去台北既朋友, 一定要黎士林夜市呢度試下.

 

 

 

食飽飽之後, 又行陣街, 跟住不如食泡冰好嗎? 今次去埋最後一條街文林路.

文林路

文林路呢邊比較雜, 食野同買野都有啲, 不過就比較少人行過黎呢邊.

 

其中一條巷係專食小食的.

 

黎到安平街就轉入去, 泡冰店鋪就喺入面.

 

 

今日介紹既就係呢間辛發亭. 50年歷史架喇, 我個當地朋友都話佢讀緊書已經食緊.

 

睇睇餐牌, 大部份都係NT$70, 即係唔駛二十蚊港幣. 但係雪片究竟係乜? 睇埋下面啦.

 

朱古力雪片!!!

 

 

 

拿, 呢啲一條條既就係雪片, 同平時大家食既泡冰感覺唔同, 雪片軟好多, 好綿好軟, 真係好似雪既感覺, 再配上朱古力醬, 就好似食緊朱古力既雪咁, 正!! 大家越對要試下!!
分享
1 Star2 Stars3 Stars4 Stars5 Stars (No Ratings Yet)
Loading...
前一篇文章沖繩自駕篇
下一篇文章下北沢