• 季節
  • 主題渡假
  • 天數1-4天
  • 人数情侶
  • 文章性質遊記
  • 人均消費6000以下

我呢個遊旅BLOG既台灣篇黎講, 墾丁既收視永遠都係最高既, 呢點都好正常. 因為墾丁的確好多背包客自己去又唔識搭車. 但係除左墾丁外, 第二高收視既竟然係台中既一中街同埋逢甲夜市. 點解台中咁多人睇既呢? 好啦, 既然係咁, 咁我就去埋一中街附近既一個地標 – 中友百貨.

台中高鐵站

 

出左閘之後, 去出口6, 就可以搭高鐵快捷公車去一中街.

 

記住係搭159號公車呀, 班次都算係咁, 20分鐘左右一班車, 但係車程都幾耐. 要45分鐘咁滯.

 

13號公車月台等車啦

台中火車站中友百貨 (一中街) 之前都介紹過喇, 搭公車就可以, 十幾分鐘就到. 所以今集教大家由台中高鐵站出發. 出左閘之後, 按照上面相片既指示, 搭159號公車就會到一中街.

中友百貨

 

 

 

 

 

 

 

 

 

 

 

 

 

由一中街行過黎只需5分鐘左右, 中友百貨係台中既一個地標, 呢度係一個由三樓大樓組成既商場. 樓高15層, 每層都有唔同既主題, 除左賣既野唔同之外, 大家睇下上面既呢4張Poster, 佢最癲既係, 每一層個厠所都有唔同主題, 有海底總動員啦, 有Coca Cola, 仲有一個係博物館主題, 真係去厠所都要諗下去邊層好.

跟住我地去地庫既Food Court睇下.

 

 

 

 

 

 

 

Food Court呢度我想介紹兩檔比大家, 一間係寫住古早味既食店, 有飯有麵食, 勝在平同地道, 味道可以咁啦, 呢間係呢個商場既店員介紹我的. 有野食當然要有野飲, 飲野就梗係買樺達奶茶啦, 樺達奶茶好味到我返到香港都仲好掛住佢個味. 大家去到台灣旅行記得買杯飲下, 全台灣都有分店的, 總店在高雄!

 

話明係地標, 當然有即場退稅服務啦, 呢度退稅係即時比返現金你的, 唔駛去到機場先慢慢排隊.

返番去台中火車站既話, 商場門口個巴士站就可以喇. 寫住台中火車站既都岩架喇.