• 季節四季皆宜
  • 主題深度遊
  • 天數5-8天
  • 人数幾個朋友
  • 文章性質交通攻略
  • 人均消費6000-16000

講到搭JR、地下鐵既時候,日本車廂真係靜到蚊都聽到。日本人平時已經唔多野講,係搭車既時候更加唔會講野,日本人唔似香港人甘去到邊都甘嘈,有講有笑,所以香港人係日本搭車要注意一下聲浪/保持安靜,就算係街都避免大笑同好大聲講野,仲有係上車前記得將電話較靜音。
你行左甘耐,玩左甘耐,都攰咖喇,搭車就休息下,充充電再繼續。

JR、地下鐵、新幹線有咩分別??

JR,全名「Japan Railways」,中文為「日本旅客鐵道」,係日本最大既鐵路集團。JR既前身為日本國營鐵路公司「日本國有鐵道」(Japanese National Railways,簡稱 JNR)。由於經營不善,日本政府 1987 年決定將日本國有鐵道分割並民營化,成為現在既「JR 集團」。JR 集團依地區劃分,由北到南共有「JR 北海道」、「JR 東日本」、「JR 西日本」、「JR 東海」、「JR 四國」、「JR 九州」6 間公司,以及專責全國鐵路貨運既「JR 貨物」。要注意既係,雖然佢地都叫 JR,但大家都獨立,互不隸屬、並保持著競爭關係。所以唔但止營收分開來算,連車票、票價、服務都有差異。

至於東京,絕大部分既 JR 路線都屬於「JR 東日本公司」,包括觀光客常用成田機場特快列車「N’EX」,貫穿市中心既山手線、中央線,連接東京迪士尼既京葉線,以及到橫濱、鎌倉既近郊路線,仲有往輕井澤既新幹線等等。JR 東日本公司近年針對觀光客推出多種唔限次數搭乘上述路線既優惠票券,如果您既東京行程多位於 JR 路線上,甘就可以考慮選購 JR 東日本公司既優惠票券,可以慳左唔少搭車費用。

至於關西,絕大部分既 JR 路線都隸屬於 JR 西日本公司,包括好多人從機場搭既 HARUKA 關空特急,同觀光客常用既大阪環狀線、櫻島線(夢咲線)、大和路線、京都線、奈良線及神戶線等等。JR 西日本公司近年針對觀光客都推出多種唔限次數搭乘上述路線既優惠票券,如果您既關西行程多位於 JR 路線上,甘就可以考慮選購 JR 西日本公司既優惠票券,可以慳左唔少搭車費用。

 

Instagram/FB page: k.travellingjapan (Travel K)