• 季節
  • 主題深度遊
  • 天數9天及以上
  • 人数個人
  • 文章性質遊記
  • 人均消費6000-16000

因為6點幾先係比利時飛,是日係意大利唯一行程就係Check in
主要行程其實係 Brussels

首先,我地係Brussels既Primark 行街
之後就又去食Chez Leon
今次試左另一個,青口鍋同個蝦,上菜超慢

我地覺得之前食既蒜蓉牛油青口好味好多

接住,因為唔知機場果邊而家點,我地就提早去機場。

因為Brussels機場係當時既幾個星期前被炸完黎,所以去到變左係個臨時機場度搞手續 係一到站進入check in果個大堂前已經有輪安檢先。

真係好臨時

等左勁耐後,終於入到去,呢個係睇航班班次果個牌 

Check in counter,好似係 

排到DIN既寄艙隊,好似係

機場餐廳

簡而精  因為我地網上check in 左加上全hand carry,呢d隊完全唔關我地事 之後我地就去安檢。

安檢個位係去返正常既(非臨時搭建)機場,超級多人,我地係呢度應該等左個零鐘?  好彩我地提早黎姐    唔係實勁心急  D安檢多左幾輪,仲要耐平時好多 接住一切如常 去到威尼斯既 Venice TSF 機場,已經8點幾。

我地係威尼斯並唔係住係主島,而係Mestre——離主島 2歐內 20分鐘巴士車程既城市。機場有旅遊巴出Mestre同主島,一粒鐘左右,佢係先去Mestre,再入主島,12歐一位,幾舒服 

比起主島,mestre既酒店價格叫做正常價  係主島搵唔到啱心水住宿既,
不妨試下Mestre。

我地果間叫 Hotel Mondial,係正火車站隔離咁濟,位置其實好方便,不過我地覺得唔算好舒服,因為佢房會噴D好似K房果D空氣清新劑,啱啱入去會覺得有d臭,要適應下 硬係覺得空氣唔多清新  第二係我地第一晚有隻巨蚊係房入面狂飛,被佢嘈到仆街  結果點之後再講。
因為事前做左research,一出機場就like a boss咁買飛上車啦 
一開波已經感受到意大利風情 我地買完飛去車度循例問下to mestre?
個司機玩野話no 之後就示意自己講笑,邀請我地上車 
架車唔算好多人,搭左差唔多一粒鐘,佢就停左車開門 
兩三個人落左車,我地疑惑左右係咪應該落車,但又唔肯定係咪Mestre黎 因為又有d同想像中唔同,又無人講任何野話到Mestre, 於是我地就想行去司機位問係咪到左Mestre,點知佢落左車唔知去左邊  
於是我地求其篤個乘客問:Mestre?見個鬼佬係度搖頭,我地就坐返埋位啦。

點知,個司機一上返黎,頭先個鬼佬就問佢:Piazzale Roma(主島站個名)?個司機就一路關門一路話NO之後開車   原來個鬼佬係乜春都唔知  佢搖頭應該係=唔知  咁佢搖乜春,縮膊唔得咩 完全被佢老點左,頭先果度一定係Mestre   太遲了,架車已經以飛既速度去緊主島    

望住架車比預期中早就帶左我入威尼斯主島我既dream place,都唔知笑好定嬲好   (如果住主島就好了  )
不過晚上其實乜景都睇唔到 
所以我地主要都係諗緊,比左12歐,結果要自己比錢搭多程車去返mestre,真係蝕 
到左後,全場落曬車,D人去曬問司機路,等佢地問曬後,睇得出佢唔多識英文既我地就樣衰衰地問 mestre…?  
個司機好驚訝  佢係度思巧:
之後用意大利文問我地想去邊
好彩學過意大利文都明明地,我地就話 Hotel Mondial in Mestre,
接住佢竟然叫我地上車   之後就一野開車      嗚哇佢竟然車返我地出
由於佢接近唔識英文咁濟,狂講意大利文
 雖然我學過但只識D好水皮既字  所以大家又手語又狂彈d vocab出黎之下,終於get到佢想我地比google map佢睇個位置,之後再聽到佢打比fd問點去,最後,佢竟然車到我地去酒店門口       真係好好  車到mestre站已經好din,仲要送達酒店門口 
除左狂 grazie mille 之外都係grazie mille   
太好人啦
成日聽講意大利人好鐘意呃人啊呀好衰呀去到小心D etc,居然我地一黎到就遇到個好好既意大利巴士司機   意大利當然即時加10分啦  當然我地超餓,因為已經近十點,我地放低野就即刻出去搵食
呢個鐘數已經無咩選擇,於是我地亂入左間有人演唱緊既果D bar,
食左D bruschette,本身想叫pizza,
但見到menu推介bruschetta,就叫左兩件,都係D ham呀蕃茄呀果d係上面咁,我地仲叫左個可樂   都唔錯,又有歌聽,氣氛都唔錯 

食完後我地坐左陣,四圍望既我…見到我地附近果個整bruschetta既toppings既材料櫃同枱面……超!多!蟻!      剛食完既我地望住D蟻係D食物呀果D度狂爬,真係有d想嘔   埋單先發現可樂要5 歐  史上最貴既可樂   不過可能都因為呢度係music bar。

因為已經超攰,返到去沖完涼好快我地就訓啦,點知…有隻大蚊  就訓著果下就飛埋黎    反覆被佢整醒左幾次後(而bf竟然訓到   ),又開左幾次燈見唔到佢後,我就去個廁所啦,點知佢跟埋黎,係牆上面停係度  。於是,

我用紙巾一野拍!落!去!  再用力捽呀轉呀lin爆佢呀報復一翻   一野掉落廁所沖走佢 

安心訓覺,迎接威尼斯之旅    

【歐遊百幾日遊記】意大利(北部)篇 (二)威尼斯 主島必看景點、徒步行主島攻略 (上)

【歐遊百幾日遊記】意大利(北部)篇 (三)威尼斯 主島必看景點、徒步行主島攻略 (中)參觀總督宮 進入嘆息橋

【歐遊百幾日遊記】意大利(北部)篇 (四)威尼斯 主島必看景點、徒步行主島攻略 (下)—— 晚餐、晚上驚險行喪屍場景回程路

歡迎 Like Facebook Page 緊貼最新既遊記及攻略 : 芒果豆腐花遊記
更多遊記:芒果豆腐花遊記網站 https://mangotofufa.wordpress.com/