• 季節
  • 主題深度遊
  • 天數9天及以上
  • 人数個人
  • 文章性質遊記
  • 人均消費6000-16000
睇曬是日既重點行程後,就係亂行同食既時候啦
其實本新仲有個叫沉船書店既地方mark定左,諗住有時間可以去,
不過因為位置唔近同已經好攰,就無特登過去,果間書店係一個前gondola船夫退休後開既,
店內有隻gondola放左係度,放左好多書係上面。
佢間書店之前係威尼斯水浸時搞到好多書濕曬,之後佢將果堆書放左係佢後院做裝飾,都幾特別 但因為唔係對我地黎講最吸引既野,所以最後就skip左我地求其係街上既店買左個唔記得叫咩名既卷有D似用包卷住D芝士呀火腸咁,剩係記得果串名勁長又意大利文,
我記左好耐先敢入去落單  

間店好旺,同我落單個待應係個華人女仔(幾cute笑得好甜 ),見佢勁流利咁用意大利文落單,又同其他店員用意文有講有笑咁,就好羨慕佢既意大利文level 

味道方面,呢D料加茄汁就一定好味架啦  兩個人share,食完已經幾飽下 

之後繼續行下街,

盡頭上面果間屋幾特別,無啦啦凸出黎

仲有呢D,好似入隧道咁。

其實都幾多街行,我地係呢間店留左好耐 

佢係賣地毯、咕套呢D布藝既,之前係比利時既布魯日都見過類似既店,

果時又係睇左勁耐,爭扎左好耐好想買塊布返去做裝飾,

最後無買到,剩係買左畫。今次我就忍唔到啦 

自己dream place都無理由唔D野返去J下啦 

佢呢D裝飾布真係好靚,成幅畫咁,但係用線織出黎

呢張高空地圖景  我J左好耐

嗚哇仲有果條橋   我地傾左好耐買邊張好 

完全陷入選擇困難。

最後我買左右上角果張 12歐但覺得好靚好值

 但白痴既係頭先想拎出黎影相,但發現唔知飛左去邊 

因為果時返到香港我想放係茶几上面,但呀爸話張野太靚唔好放呢度浪費,遲D有相架先放入去掛出黎,之後唔知邊個就收起左,而家唔見埋     搵到好熱,唔搵住  

呢度都幾靚  有D巷仔河仔係特別靚

見到呢pair gondole,勁靚 

每次行去望D船,果D間條船夫就會狂係你隔離講gondola gondola~gondola gondola~,搞到我而家見親gondola 相都會講gondola gondola~

呢D河景餐廳感覺都幾好feel(雖然影到有D殘 )

佢個景色:

騎呢既鐘,surrealism果個彎左既鐘,幾靚

行下行下又返返呢條橋

呢一邊睇到佢既真樣  但個角度唔好

去返對面島,我地就去食我地是日晚餐  

今日既晚餐唔係pasta 係pizza

間店叫 Antico Forno,睇黎都幾出名,成個Venice Rank 20

https://www.tripadvisor.com.tw/Restaurant_Review-g187870-d1547688-Reviews-Antico_Forno-Venice_Veneto.html

呢個係幾特別既pizza,因為佢既餅底係出奇地厚,

厚到成個包咁

我地叫左個菠菜、蕃茄、goat cheese

影到上面D菜成pat豬潲咁  呢度其實係兩份黎   印象中兩件加埋四至六歐,我地仲買左杯可樂

太多人,無得坐,所以我地去附近既岸邊坐 坐係度睇住河景食

一份就係一條咁樣,其實都好夠飽

呢個時候,個天突然變到好靚

天黑先黎咁 

好天差好遠姐 

其實好想狗衝返去聖馬可廣場影相,但都路程唔遠,我地又好攰,男友一定唔會同我癲  所以都無話要去影相,剩係係度狂影相

食完好飽好飽  之後我地一路行返去,經過一間超市,想買下水呀零食水果返酒店,極多人排隊  意大利cashier又他他條條咁做野 

回程喪屍路

接住我地搭車返去,記得我地架巴士係4號,但走左車 ,同時又見到4L google map上話去到我地酒店,就上車啦。

點知 搭緊見到佢行條路同google map講既完全唔同 總之就一入Mestre就同我地酒店反方向地行,於是我地盡早落車啦,但已經兜左幾遠下,無車一程就去到酒店,我地又唔想比錢搭返啱既巴士,同時又唔想逃票 於是就跟google map行,結果又被佢玩到攤攤腰 (繼係Amsterdam黑夜叢林遇公牛後,呢次都係第2恐怖既陸路之旅 )

果時係天黑,Google map lead我地行埋d陰森路逼到我地改行去車行既公路都算,

唔知點解lead埋我地行一個好似已經荒廢左既火車站附近(可能純粹係無車經過既路軌) ,完全無人,仲要係D無人既公路天橋底既行人天橋(好多層),

google map睇返(呢個日頭version),應該係去到公路既呢度行落去,氣氛係類似停車場之類既野。哇 ,一路行覺得完全進入左zombie既拍攝場地,又黑又靜附近人影都無,四圍又滴水,隨時彈一隻zombie出黎都好應境 我地一路行都覺得好唔對路,但又重蹈覆轍(同上次一樣,因為唔想行回頭路而繼續行埋佢),唔同既係今次我地識驚 但這是無用的


係上面兜下D樓梯落到黎就係呢度,晚上行既都係咁恐怖 有D車又唔知入面有無人…諗返,唔好話zombie,如果彈個意大利賊出黎都足以玩死我地 實渣都無得剩附近200m應該一個人都無。應該話求其一個人出現都已經嚇得死我地,會好驚係咪賊 但神奇同幸運地,途中真係一個人都無  應該係連賊都唔覺得有人會行咁既路

行返出正常城市果刻,先放下心頭大石 返到酒店就當然攰到攤攤腰

奉勸大家,係搭錯車都係搭返回頭路算,唔好跟 google map 行 100% 中伏 

(參考Amsterdam遇牛中伏記:【歐遊百幾日遊記】荷蘭 AMSTERDAM 篇 (六)九街 + 晚上驚險叢林中伏!

Day 2 完,聽日去玻璃島、彩色島