• 季節
  • 主題深度遊
  • 天數9天及以上
  • 人数個人
  • 文章性質遊記
  • 人均消費6000-16000
是日行程主要分兩部份:玻璃島→彩色島!
Murano(玻璃島)係威尼斯主島以外既一座離島,威尼斯玻璃 Murano 就係源自呢座小島,黎到威尼斯千其唔好錯過佢既小島啊,會有唔會既感覺!

 

先劇透一下玻璃島景色:
早上我地入到主島,首先就係搵3號碼頭,
Piazzale Roma 呢頭超多碼頭,呢個名既站有分 A B C D E 碼頭 etc. , google map會講埋比你知你個路線要上船個碼頭係 a定b定c果D,你只需要跟住搵個碼頭位置出黎。因為見到架船3分鐘後就開,唔想等四個字船既我地瘋狂狗衡,雖然話個站係巴士站羅馬廣場,但其實因為多碼頭,所以好長,趕船都足以都跑死人[sosad] [sosad]預多D時開去啊!

上船後,其實搵個位坐好就睇景啦:) 感覺船速都幾慢

經過之前J google map時見到既墓島,有牆圍住,係google map會睇到成個島都係一個墓園,

毒毒地講句,原來軒轅劍3入面既威尼斯畫到個墓園係獨立既島係有幾分事實根據:P

相信我既威尼斯情意結同呢隻我小學玩既RPG game有好大關係[sosad] [sosad]

到左Murano Colonna呢個站,有唔少人落船,跟遊客大隊永遠是對的#yup# 於是唔知頭唔知路既我地就落船:)

我地所在位置係黑色範圍,C碼頭#yup#

呢個站一落有點荒蕪,有一條唔算好旺既街,向左行既全部都係玻璃廠同玻璃品專門店。因為D店係正間廠前面,所以感覺呢度買玻璃比較貨真價實,所以係主島唔洗心急買,黎到玻璃島先慢慢揀都得,雖然應該無乜分別[sosad] 但係玻璃島買先有concept嘛#yup# #yup# 。

呢度D店絕大部分都唔比影相,有好多好靚既玻璃燈同鐘,但無影低,男朋友勁鐘意果D奇形怪狀既玻璃燈[sosad] 仲有呢D擺設幾靚:

價錢唔記得了,但一定係勁貴。

行到最左邊,有一間店寫住free show之類既字眼,即場表演燒玻璃:P 未見過大蛇痾尿既我地當然要睇睇佢#yup# 好得意,佢係個玻璃廠入面set左個看台仔[sosad] 好似集誦果種,但係穩固D既。我地就可以企係上面睇表演。

表演緊燒既果個人好似係前面果張thank you紙上面果個人[sosad] [sosad]

佢一次過表演左燒幾種形狀既玻璃,可以睇住佢將一舊球體既物料燒、轉、吹、扭等,唔洗幾分鐘就將佢地變成一個個玻璃製品,記得當中有馬仔、唔同形狀同顏色既玻璃瓶,感覺好神奇,個個反應好似細個睇人表演扭氣球/變魔術咁,勁impressive。除左報以掌聲,當然仲可以去佢地既店面度選購啦#yup#

入面既製品其實係外面其他店都有同款賣緊,不過睇完個show就特別會感覺佢地真係有D工匠手藝係入面,特別想係果度買(好成功既銷售技巧[sosad] )。最後我bf買左隻馬仔,果D馬仔既身體入面有d紅色,睇落好似有血既馬咁,好似五六歐左右定十歐(唔記得了),我地無影相,上網search搵到隻類似既,但我地買果隻橙色果d係紅色


但因為返香港pack得唔夠好,最後隻馬尾定腳斷左[sosad] [sosad] [banghead]

另外我係果度睇中左一條鍊,但佢賣得幾貴下,成33歐定40歐#oh#

真係好鐘意,好想買但又唔捨得:~( :~( ,但最後都無買,決定出去行一圈考慮下先:)之後係玻璃島市中心既手信店成功搵到,只係賣9一野狗衝了#yup#

玻璃珠鍊,每粒入面都有D閃閃地既白色同銅色顏料,好晶瑩剔透既感覺:P :P

雖然話果間買有工藝品feel d,但30歐既差價唔少野#hehe# #hehe# 所以黎到都係建議格下價先好落手買#yup# #yup# 好鐘意#love# 平時乜都唔戴既我都日日戴住,日日J條鍊:P :P

Btw,最後佢連住d珠既果D線可能抵唔住日日沖涼刷牙果d被水淋,係米蘭車站行行下爆開左[sosad] [sosad] [banghead] 佢無解曬體,只係有兩粒甩左出黎,我無掉,太鐘意,想返黎香港得閒串返佢,不過就當然到而家都未搞#ass# #ass# [sosad] [sosad]

睇完呢一堆廠同店後,我地極肚餓,於是就去搵餐廳,就係去最旺果度#yup#

紅色範圍#yup# 去啊

我地一見餐廳就狗衝左先,Osteria ai cacciatori, Murano

呢間我係tripadvisor搵唔返,剩係見到Burano同主島上面唔關事既餐廳

Facebook就反而搵到。位置大概係呢度啦。

呢間我會覺得係平價特色美食之選#yup# 呢個櫃有好多點心之類既野。

我鐘意既係佢入面有唔少我未見過既當地小食:P :P 平平地食到,唔洗又pizza、kebab咁悶#yup# #yup# 而且服務好好,我問果D咩黎佢都會好友善同熱情咁解答。:D

首先叫左呢個:

其實佢唔識英文,但因為之前學過既意文食物 vocab未還返曬比老師,都聽到佢話入面有飯,咁神奇當然要試#yup#

外面脆,咬開果然係有飯係入面,味道有d似焗豬扒飯#love# ,有茄汁、芝士,係久遺既香港風味:P

呢兩個我會解讀為捲捲三文治/多士,白麵包夾住牛油/雞粒/火腿果類,捲埋佢,又一味茶記點心[sosad] [sosad] 。

呢間店都有pasta,但我地今次無叫,因為食完d包都夠飽。:)

繼續出發#yup# ,玻璃島同主島雖然都係canal景,但睇相都會分辨到兩者:主島面河既建築一般比較grand同高大,睇落高貴典雅D(窗口會多D圓拱形),同埋每一棟都好大,似係有好多戶係入面;玻璃島果d就矮D同比較多單棟式既,門面窗口都樸素D。

呢一條canal兩邊全部都係玻璃品手信店同餐廳,為左買睇中左果條玻璃珠鍊,我地逐間入去睇#yup# #yup# 。

其實呢款近似既款式好多間都有,但粒珠會變長型,或者變左頸鍊,所以行左十間都未搵到,但就覺得總會搵到,因為間間都賣緊同類野,而且知道唔會貴,因為見到全部價位都係10歐左右,所以30 40歐果間就一定不買了#bye# #bye# 。

最後,我只係用7-9歐就買到^3^ 得一間有[sosad]

行行下會見到條大橋過對面,

呢頭既景都幾靚,條河比比較闊,

D屋比較殘舊[sosad] [sosad]

係度影左好耐相。

對面有舊大型既藍色玻璃擺設,

就係Cometa di Vetro,中文見網上叫琉璃彗星中的聖誕燈[sosad] [sosad]  係影相位黎,相信標誌住玻璃島啦,不過感覺呢舊野同周邊景色好違和。晚上佢有燈會發光:)

遠處都見到佢,好搶眼。

呢D幾搞野,雖然有d恐怖[sosad] [sosad]

呢種幾靚:P :P

關於呢度既玻璃品,有人話佢地有D店會入口D強國製既cheap工廠製玻璃,所以你會見到有D店會係門口貼住:not made in China 既紙牌強調自己真係賣緊Murano野[sosad]

不過講真,其實都唔知點分辨,都係講個信字,但有d賣得特別平同樣衰既應該就一睇就知,例如有間店賣果d勁似日本城以前十蚊幾舊既玻璃老鼠仔狗仔果d[sosad] 仲要d眼耳鼻口都歪曬[sosad]

我地路過一間餐廳被佢D相吸引左,蜆肉意粉!!佢寫住12歐,張相大大碟,咁抵玩,仲可以坐河邊食,環境好好,就當然要試試。

呢間叫Ristorante Dalla Mora,每人會收2歐coperto架,所以剩係入去食12歐既,最後埋單其實係16歐,係意大利入餐廳真係要計過先。

不過,佢「盤」蜆肉意粉同相顯示一樣咁大盤!!!D蜆肉勁多,味道都夠濃,都好滋味,兩個人share當tea食好啱。不過我上trip advisor D評價又一般[sosad] [sosad] 主要都話服務差,我唔係好記得[sosad] 只記得埋單等左勁耐。

由於坐河邊,好多人經過,個個路過都會望下我地呢個大大碟既蜆肉意粉,簡直係活生生既廣告哈哈。

話說我地隔離枱係講英文既couple,個女既食一碟pasta,男既食曬成大個一圈既pizza,好拆得[sosad] [sosad] 同我地好唔同,我地兩人share一碟pasta[sosad] ,佢地就完全無share,一啖都無,完美呈現東方人同西方人既餐飲文化對比[sosad] 。我地心諗,唔會好想試下對方果道菜既味道架咩[sosad] [sosad] [banghead]

行多兩圈就搭船去彩色島^3^ 碼頭附近有燈塔,開始好天

彩色島遊記係下一篇啊!

(待續)

【歐遊百幾日遊記】意大利(北部)篇 (七)DAY 3 威尼斯小島遊 (下) —— 彩色島 :影相、影相同影相!!

………………………………………………………………

歡迎 Like Facebook Page 緊貼最新既遊記及攻略 : 芒果豆腐花遊記