• 季節
  • 主題深度遊
  • 天數9天及以上
  • 人数個人
  • 文章性質遊記
  • 人均消費16000以上

簡介 AMSTERDAM 荷蘭阿姆斯特丹 

首先 Amsterdam 物價幾高,應該話成個荷蘭對旅客黎講,除左超市外,乜都貴,尤其Ams,酒店特別貴,食(餐廳)偏貴,交通貴,特別係長途車 (當然識用ov chip會平d,而用group ticket既佢會變到超抵)。總括黎講,貴、狂食遊客錢,但總有方法跟local做法慳到同控制洗費,點做到,我會之後分享 

語言方面,起碼九成人都識英文,口音易聽,溝通唔成問題,但好多時d野都唔寫英文,包括路牌,超市貨品 etc 但都唔是大問題 

開始

首先,到左Amsterdam ,未去酒店settle down,行裝好輕,於是閒逛下車站外先。

車站好靚,靚到我為佢買左個磁石

頭先係屋企塊磁石版影既

一出,哇好多人好多車,旺角咁,真係無乜歐洲城市有呢度咁熱鬧,行兩步會有人阻住你,過親路都要睇實有無車,仲要顧埋電車,但最伏一定係當地既又快又突然既單車,完全唔讓人的 ,小心撞車  

一過馬路就會見到呢個好標誌性既景觀,呢個係最後果日影既,好天

現實睇好奇特,d屋好似玩具,又斜又歪咁,你會覺得好假好似積木,可能要親身睇過先明
到達果日天氣陰沉(感覺荷蘭7成時間都咁),就咁樣,都差幾遠  加上天氣差就無乜心情慢慢影

對住呢個景既係一列手信店同M記,仲隱藏住sex museum,路過左都唔覺 

我地好鐘意行手信店,於是已經買左堆磁石,我去每個城市都會買磁石(有d地方買唔到啱既 ),儲左應該九十幾個 
好多都好靚,選擇困難嗚哇,最後買左呢幾個!

痴線呢d腳真係可以好似風車咁轉 

木鞋都係呢度好常見既手信

另外仲有好多荷蘭餅果d,我幾鐘意食,可以試食左先決定買唔買
我無影低,google左張頂住先

亦有好多大大舊芝士,不過當然係芝士專門店先買啦
另外仲有大麻紀念品既,都係睇下就算

不了 

雪糕都有,痴線究竟係咩味,一定好臭 

行完一輪,決定近近地去個Sex Museum先,由於skip左都唔知,兜左一餐路後,原來係m記果行野度 

門口,其實都顯眼,但我地就skip左

入呀