• 季節
  • 主題深度遊
  • 天數9天及以上
  • 人数情侶
  • 文章性質遊記
  • 人均消費6000以下

紅燈區記趣

返入Amsterdam後,我地第一件事當然係增值ovchipcard 

想入夜先去紅燈區,所以行下唐人街先, 
的確成條街都酒樓 泰國野 越南野 日本野 韓國野 或者五合一  
食左咁耐西餐,今日突然有d想食越南野,於是入左間, 
d野都唔平,十二三歐得一碗唔夠一個人食既撈檬, 但好味既
由於要控制budget,我地剩係叫左碟,之後食完就出去買其他野食 

由於當日其實係我生日,於是我地就想搵蛋糕店買件cake  
點知成個ams都唔見有一間 
於是入左Starbucks 
但都好味既   

塞到我地飽一飽 

行行下去左呢度,應該係民居,好有公屋feel,



好怪又唔多靚,現代夾d舊式feel,
啡磚無啦啦加d鮮黃鮮藍鐵柱咁  唔識欣賞
但又幾有現代荷蘭style 

然後,紅燈區時間   
紅燈區當然入夜去先有feel  
夜起黎相就影唔到,亦唔敢影  用網上圖講講
最旺係一條河兩側既街,成街大麻味(總之你聞到d怪味唔係煙味又唔係垃圾味既,就係大麻黎)

網上圖片,係水印上面個blog既作品黎

呢度有幾間sex museum,都有妓女museum,但因為幾貴下,印象中過十歐,所以就無入,
都有好多sex show既場,都貴,二十歐次,上網睇過評價話失望,無乜erotic既感覺,可能似動物多d咁,加上坐到後一後更加睇唔到咩大道理 
呢筆錢省返,做其他野好過,一陣有推介 

首先,當然遊覽一周先,呢度除左上述既野,一定都唔少得性玩具店、大麻店、酒店、妓院(唔知點叫好)

日本紅燈區得一堆無料案內所同相,而呢度既妓院出面就多野睇d,好多落地玻璃「窗」,入面開住姣粉或者紅燈,每個窗都會有位性感女郎企係度,佢身後就係一間炮房黎,如果有客對佢有興趣,佢就會開「窗」,其實係門黎,收錢拉男人入去,一野拉左窗簾,然後    
如圖

網上圖片,係水印上面個blog既作品黎

本身expect d女會好落力色誘路人,  但結果有七成都橦係度黑住面玩手機,  都可能係同緊客仔傾計既。 
仲有d就都會比下戲,做下d挑逗手勢既,男女通吃 。
至於女女既質素,本身以為係好正既索鬼妹, 
點知多數係醜師奶,黑肥女人,有d仲好似大左肚咁, 
有d好鬼肥無身材,有d個胸一睇就覺得充氣既 

我地仲見到真係有客入 

我地見到四五個中年鬼佬,推其中一個去d窗度,入面條女就半開門咁狂對住被人推出去果個男人笑呀單眼呀拉手呀,  其他男人就推佢過去,又隊廿歐比條女,個男人就好似好唔情願咁,  唔知係咪想講:「咪玩啦,被我老婆仔女知既殺左我都似啊  」呢 
由於我地路過,唔敢特登停低食花生,於是結果唔知了 接住,我地就去左睇peepshow

peepshow是咩東東呢,出面有隻大笨象係牆果間,就有peepshow睇了 

peepshow係平平地比你名正言順地睇裸女solo show 
果間野入面setting係咁

內六角型係女郎活動範圍,外面一格格就係好似更衣室咁既cabin,
我地就係入去睇peepshow  2歐睇兩三分鐘

你入到去間野,如果多人既要係cabin外面排隊,唔會好耐既,一個人3分鐘左右。

入左cabin後(裝到2-3人,可以一齊入),入兩歐,佢個玻璃(黃色果d位)會由白色一片變成透明,你就睇到窗內情況 
入面係個女郎係個旋轉台度跳舞呀扭下扭下,mak大對腳,自摸呀玩自己bra同底衫 
個個cabin都睇緊同一條女,所以你會見到其他cabin入面觀眾既樣,多數都笑緊,有d單身佬好認真睇  入面條女會四圍走,去到窗前逐個挑逗,不論男女。 
我試過一入錢,就見到條女將佢個西貼住一個cabin個窗度對正個男人,係趴上個窗度貼住  hold左幾秒 
之後去到我地面前又狂單眼mit自己粒lin,再 fing幾下對胸,笑死我地, 
有d女落力d,有d女好悶,睇你好唔好彩,
我地第一次睇果個係質素ok既女仔,過幾分鐘入面,轉左人,係個西面女人,悶好多 
入錢後過左兩三分鐘,玻璃又會變返白睇唔到野,
再入兩歐又有得睇,唔睇就出返去

另外,佢出面有塊展示板講呢晚有邊幾個女郎,其中一張圖係couple,黎過ams兩次,我兩次見到既都係同一批人黎
板上面會有燈示意而家係邊位女郎 onn show緊,每逢搭正果場就係couple show 一場黎到我地當然要睇下couple show  
搭10搭11好去排定隊standby啦  miss左要再等一個鐘
我兩次都成功睇到

第一次見到既,係對男女做緊狗仔 超慢節奏,兩個都幾唔比戲,個女既黑面係度吹緊水咁,個樣有d似講緊是非  唔講都差d唔記得佢地搞緊野  睇佢地咁樣 un 左 2分鐘 

第二次就係個男奶緊個女  個女既今次比戲d,會扮享受樣,同時又會用眼神挑逗觀眾對住人笑   但整體都唔似睇緊人搞野  仲要好近  抵玩呀 

你見到圖上面話右邊去av cabin,係咩黎呢
果邊我地都行左個圈參觀左,係好多好似貼紙相機咁大既cabin,唔密封既,好似貼紙相機咁有d布輕輕遮d咁,入面就係有個mon比人入錢後揀a片黎睇,我地係外面見到入面既設備係紙巾同一個真係有好多雲吞既垃圾筒   究竟會有幾臭   入面究竟有幾污糟   點解要黎呢度睇? 

另外有兩格大d既,係一對一peep show,係一個位對住一個玻璃房,玩法係,你入去,比兩歐部機,之後揀女(都係peep show d女),個女就會黎,你就比廿歐佢,有d制比你比command叫佢做咩既,印象中好似每樣唔同價錢,見佢個門打得開,可能有得揀上埋   當然我地就無試玩啦  peepshow d 女咁落力可能想引d人黎呢度揀佢 

之後我地就出返去  行多幾行,呢度其實仲有d pizza店 kebab店,我地就唔敢係呢頭買呢d野食啦   硬係覺得有d不安  
整體覺得紅燈區都幾多得意野睇,兩三個女仔黎都安全既,呢度都多女仔,d佬都唔會聊路人,所以雖然雜,但又唔會唔安全既,好似係 

返ibis酒店交通中伏記 前奏
玩完紅燈區都夜,我地就返去,搭返琴日架巴士
點知,果晚唔知ams出面搞乜,個司機又唔講英文,講又剩講單字,聽到咩student咩strike咁,總之就突轉左路線,係個唔知咩站掉曬我地落車
之後就走左嬲到死
之後我地就自己靠google map,行好遠去其他車站,搵其他車返酒店,  等極都無車,已經唔知點,再行去第二個站,點知就去到就見到佢開左車  但司機見我地指住佢呆左,竟然停車比我地上  終於上到車返酒店 

以為交通中伏已經完,原來只係前奏   聽日先係戲玉!

歡迎 Like 我既Facebook Page 緊貼最新既遊記及攻略 : 芒果豆腐花遊記