• 季節
  • 主題食玩
  • 天數9天及以上
  • 人数情侶
  • 文章性質遊記
  • 人均消費6000以下
【遊記】Day 5 意大利:佛羅倫斯市內一日遊 (上)皮革市場、Food market Mercato Centrale
template9
早上起身,屋主出現了,拎左餐券就去食早餐#yup# 。Cafe果個人都好nice,勁熱情咁講下有咩揀,仲問我地聽日仲會唔會黎:)

行程

是日行程係市內遊覽,聽日就會去outlet。Florence都有幾多廣場,佢地都各有特色同睇頭,所以我地會去大部份。

首先第一站係皮革市場果頭 San Lorenzo Market ,其實我地對出既廣場已經好多檔皮具店:皮褸皮袋皮帶乜都有,

但D野都幾貴,但又唔低係咩老店,都係望下就算。

至於皮革市場,本來其實好有期望,打算黎到點都要買件野返去:P :P 點知…

黎到感覺上佢只係皮具版本既女人街,比我地想像中流[sosad] [sosad] ,檔檔都係臨時搭建,賣緊一樣既皮製品,唔係想像中成行成市既皮具老工匠小店#:)#fs 。路過d檔主會狂yo你,一路行一路對住你 kon’nichiwa / nihao / annyeonghaseyo, 完全係亂黎[sosad] [sosad] ,個個都話自己D皮係真既,D價亦都標到相當高[sosad] [sosad] ,你整個覺得太貴既樣佢就大劈價,成件事真係好女人街呀姐呃鬼佬feel,但呢度就掉返轉,鬼佬呃asian。

網上圖片:

因為係街邊檔,有d款都幾淘寶,加上我地絕對唔係咩皮具鑑證專家,上網見到分辨真假皮既文講到又刮又剪開又燒咁:o) :o) ,咁樣分法實被店主砍死[sosad] [sosad] [sosad] 。分辨唔到真偽,為免做水魚,我地都係得個睇字#yup#

頭先係咁依睇下D blog,都見到有個外國blog話以前呢個market係賣當地既高質皮具,但後來已經完全變質,而家既檔主大部分都唔係意大利人,賣既皮具全部都唔係咩佛羅倫斯真皮,只係係意大利某Town仔由中國人開既工廠造既劣質皮。

你會見到,同女人街structure一樣,佢地stall後面都有地鋪,唔同既係其實間地鋪同前面對住果個stall係同一間店黎,唔好以為地鋪果D真野黎,其實都係一樣[sosad] [sosad]

其中經過一間店,店名係 F 字頭,店主話佢地上過電視節目,話台灣一個電視台黎過拍佢地,仲即場show佢facebook page比我地睇,仲有果條片幾秒[sosad] [sosad] 之後又繼續hard sell佢既貨品。離開間店後,我地上網睇返果個節目,見到其實係d台仔主持亂入呢度既店求其揀幾件做節目禮物,咁啱就入中呢間,並唔係慕命而來訪問佢,所以就算上過電視都唔代表d乜[sosad] ,但門面黎講佢branding又比其他檔好既,又咭片又盛(雖然都好頹),貨品上面都會壓左佢地個「brand」名落去既,D皮具係咪真係自家出產就唔知了(同款貨品係其他店見過)。

行完一輪無收穫[sosad] [sosad] ,我地就搵食啦:)

呢頭有個food market,叫 Mercato Centrale,係正San Lorenzo Market呢頭架啦,見親food market必入既我地當然唔會放過。#yup# #yup#入面仲有費倫天拿官方fans store。[sosad] 當然我地就行下就算了。

呢度野食價位印象中唔低,至少無果種一路行一路掃既衝動,似food court多d。但環境係唔錯既。

我地睇中一間幾多人,買佢野食既人果碟野好吸引,個廚房又好似幾pro咁,我地就係度叫野食。

佢個pizza oven搞到好正宗咁[sosad] [sosad] [sosad] 。不過我地唔食pizza,叫左Ravioli,因為我地就係被其他人食緊既呢碟野吸引到。呢度有個位好多檯凳比人係度食野。

Ravioli睇落分量唔多,但其實呢味野幾塊已經超頂肚,因為佢好似餃子咁包住D肉,個醬汁好thick,亦好重口味,我地兩個share,每人幾件就飽曬[sosad] [sosad] [sosad] ,好彩無見佢少叫多幾樣野。但係幾好味既:)

食飽後,就係廣場巡禮啦#yup# #yup#

(待續)

………………………………………………………………
 

歡迎 Like Facebook Page 緊貼最新既遊記及攻略 : 芒果豆腐花遊記