• 季節
  • 主題食玩
  • 天數9天及以上
  • 人数情侶
  • 文章性質遊記
  • 人均消費6000以下

【遊記】Day 5 意大利:佛羅倫斯市內一日遊 (下)老橋、Michelangelo廣場、終於有報應、共和廣場

上篇: 【歐遊百幾日遊記】意大利(北部)篇 (十三)DAY 5 佛羅倫斯市內一日遊 行程(中)— 聖母百花聖殿、廣場雪糕黑店中伏記、領主廣場、老橋

黎到Florence既另一大景點老橋,又係狂影相既時間喇。

老橋果條河——阿諾河邊係幾特別,有個隧道咁樣既走廊,

走廊對面馬路就有d店。

因為店邊既路太窄,兩個人行就唔係行得好舒服,所以一般都會係走廊度行,睇啱先過對面入店。

中間既馬路超級多車仔,會好高速地飛過,過一過對面睇下d店就要小心d。

呢頭有間店賣紙物,信紙呀相架呀簿呀等,上面係簡單得黎又幾高貴既pattern,好想擁有:P ,但都唔平,我地又諗唔到幾時用得著,所以入到去都係得個睇字。

河畔環境唔錯,種左D有點假既草坪,有人係度曬住太陽睇書,睇落好寫意。

雖然有d假,但望到青青既草綠色係幾舒服:)

條河就…黃左D,今日個天天色咁好佢都係泥黃色,無清澈既感覺,不過都叫做係幾有生氣既河,係流動既,唔係死水一壇。

對面既屋話古建築又唔算係,窗花各種都係無乜修飾,唔似威尼斯果D咁,
但可能牆身顏色關係,望落又唔會覺得同呢個古城既周邊環境違和。

老橋#yup# 佢多次被洪水沖毀再重建[sosad]

呢條橋個concept同威尼斯果條差唔多,都係橋上面係可以塞d店入去,原來最初呢D店係肉鋪黎[sosad] 而家就當然係紀念品店、珠寶店啦:) ,所以一路行一路有野睇。


橋上景況(又有假名牌手袋地攤[sosad] )。
同里阿爾托橋好唔同既係威尼斯果條好優美典雅,呢條就古怪現代D,幾有抽象畫既感覺。

過到對面望返過去,頭先條走廊都幾顯眼。

過左對面,

會見到路上路牌明顯多左一D street arts,

留意下d路邊告示牌,比著香港應該第二日就搵野kum返#[sosad]#fs
我地仲行行下發現左疑似呢堆street arts既起源地,
個坐廁係咩料[sosad] [sosad]
呢個係一間賣好多同類創作既店仔,男朋友好鐘意呢d野,所以買左D貼紙。#yup#

呢度有個城牆

呢邊岸既睇頭其實係Michelangelo廣場,#yup# 與其話廣場不如話佢係一個觀景台。#yup#
聽到要上山bf都驚左驚[369] [369] ,因為琴日比我水左上verona個半山結果無咩特別野睇[sosad] ,但今次我點都要堅持chur佢上去:-] ,因為今次呢個高空景係Florence既重點黎!!:-] :-]

同埋去過既家姐都力推呢個廣場,無理由唔去~:D

不過,行上去就耐d,因為要行一段路先到山腳,仲要再行樓梯,

不過其實座山並唔steep,行起黎當散步其實唔算辛苦既。:) 上到去見到有巴士站,所以唔想行係可以搭巴士的(但記住要買飛[sosad] )。

中途有d位都幾靚,例如呢個花園仔,

仲有個影相位係有個框係度。唔係好清楚點解係呢個款式[sosad]

上到去,就係其中一個典型florence風景相既影相位,#yup# #yup#

Piazzale Michelangelo 米開朗基羅廣場
呢個景觀真係唔錯,視野夠廣闊,可以睇到曬成個古城,

不過上一層就會被下一層個平台影響到,

可以落下面影。:)


基本上企呢個位影極都係咁上下,我地呢d懶人就無等Magic Hour[sosad] [sosad] ,一樣既相影左十萬幅夠喉後[sosad] [sosad] ,J完個景就打算落山:) 。由於已經好攰,當然搭巴士啦#yup# #yup#

一google完路線,就見到架車正正等緊客,我地就一野衝上車#yup# #yup# ,司機當時唔係度,見車上無得買票,我地就坐低視察下先:) ,唔夠一分鐘佢就突然出現之後就直接開車[sosad] ,見個司機都乜都無理就開左車,我地都廢時又出去話想買票之類,因為之前搭巴士都無遇過查票員。(果時未知買車票會咁白痴無得上車買要係tabacchi買)

休息之際,架車去到半山竟然有兩個查票員上車。@_@ @_@ @_@ #oh# #ass# #ass# [yipes]

報應之終於破財

仆街:o) :o) 係喎,司機根本唔洗理你有無買票,因為捉人呢個工序唔關佢事[banghead] [banghead] 係查票員啊!!:o) :o) [sosad] 勁驚

其實平時我地係新既城市第一程車點都買左飛黎睇情況先,今次我地因為即興衝上車又唔見司機,加上Venice又無人查過、去完verona呢個逃票天堂後更加毫無戒心,今次就完全無買票[sosad] ,點知就賴野。[banghead] [banghead]

話說係歐洲玩左咁耐見到上巴士會買票比錢既人少之有少,諗住今次實大把人一齊被捉[sosad] ,頂@_@ 點知呢架車個個都有票既!!@_@ @_@ 係咪網上有人講florence查票率好高呢[sosad] [sosad] (事後同家姐講,佢話佢去florence搭親車都有查票:o) :o) )。

佢行緊埋黎果時真係好想有個逃生門走佬[banghead] [banghead] ,狂諗係咪發夢[banghead] [banghead] 完全係坐係度等受刑咁[bomb] 結果當然無奇蹟啦。:o)

「Passport。」

之後比完佢就係接住既站一齊落車簽呢樣果樣。同車神奇地只有我地同另一pair白人情侶被捉,竟然個個都買左票:-] 。不過佢兩個慘d[sosad] ,佢地係買左票但唔知要validate,個女仔個樣勁無辜好想喊好嬲咁,黑曬口面咁,而我地就抵死既,所以無乜野[sosad] [sosad] ,無佢地咁唔開心[sosad] [sosad]

最後簽下名寫d資料,每人50歐:~( :~( ,仲比埋收據添:o) (貼左係儲飛果本簿度[sosad] )。50歐,等於一野比返曬之前逃左既票錢[sosad] ,於是之後我地都無再逃[sosad] ,因為捉一次就balance,再捉就倒蝕啦#cn# #cn# ,以後都係買足票算#no# #no#

相傳意大利巴士既主要收入來源唔係車票,係罰票[sosad] ,應該係真,每架車應該點都捉到三四個,一轉四就百幾200歐,都咪話唔fatfat[bouncy] [bouncy]

佢地走左後,我地就被掉低係路邊唔知邊度:o) (嗚哇比左50歐都無得搭埋落去[sosad] [sosad] )於是我地都係要行#cn# #cn#

平時計住計住睇實個budget幾歐幾歐咁慳,見到d野又唔捨得買:~( ,估唔到就咁一野掉左50歐出去買個教訓,真係人算不如天算[sosad] 。所以,在此忠告:

千!萬!不!要!在!佛!羅!倫!斯!逃!票!

同係希臘被扒銀包一樣,男朋友心情都無乜受影響咁,仲係好愉悅:~( ,比較傾向自嘲抵死[sosad] ,於是受佢影響下我都無乜野,無話唔想玩落去果d(不過其實一回想起今朝又被老屈杯9歐雪糕,而家又被罰50歐,禍不單行,就覺得好黑仔,簡直破財日,就有d唔開心#:)#fs #:)#fs )至於洗唔洗成個trip慳住玩,死慳爛慳返呢50歐呢?我地結論係唔洗,照原本玩法,當玩多左日既budget算。於是繼續開心玩。#yup# #yup# [sosad]

繼續旅程#yup# #yup#

其實果時家姐黎意大利係間老店買左個靚皮袋,睇得出真係靚野黎唔係d強國野扮意大利既,間店係間好有工匠老店feel既店,好多靚皮製品(所以搞到我都以為呢度會一街都係),今次都想去果間店望下,點知佢只係對個位置有d大概印象,而我又搵唔到,搵極都無,失望[sosad] [sosad]

下一站,佛羅倫斯彼提宮(Palazzo Pitti)好似話而家係美術館黎。


不過,我地無入去#yup# 基本上呢個城市既景點我地一個都無進入咁[sosad]
因為當你去到exchange中後段,真係會對所有教堂、藝術館無曬感覺[sosad] [sosad]

當頭我地真係見館就入,每個館都行返半日先出黎,而家……[sosad]

以下係共和廣場#yup#

呢個廣場特色就係有個旋轉木馬,幾有歐洲童話feel。
由於行到呢度已經攰死[sosad] [sosad] ,於是返去抖下,晚上再覓食!

晚上重新出發後,首先係去一去巴士站,
試下點行過去(因為聽日要去outlet,爭分奪秒,不容有失#no# #no# ),建議想去outlet既都去探下路先,因為晚上都無野好做。[sosad]
之後就搵食#yup# #yup#

今晚食既呢間我覺得都幾好味,我地行左超耐研究邊間好 ,最後揀左間環境幾好,好暗氣氛不錯既餐廳,因為係亂入而呢頭太多餐廳,唔記得左係邊間[banghead] [banghead]搵都搵唔返 [sosad] [sosad] 非常唔好意思。

另外,話說呢個城市既餐廳都有威尼斯果D Tourist Menu,20歐左右包Appetizer, main course, drinks 之類 (no coperto),咁我地就求其入左間。點知呢間就有個規矩,係一個Tourist Menu係不能夠2人share一份,要起碼每人叫個main course (意粉 / risotto ) 咁,有中伏既感覺[sosad] 如果知道應該唔會走入黎,再揀下[sosad] [sosad] 不過算啦,佢態度都ok既好似,於是最後我地好似無叫tourist menu,叫左兩個意粉:)

野食方面係唔錯既,剩係帶左手機出門無影相好似[sosad] [sosad]
其中一個意粉唔係好記得叫左咩,但多數我地都係一紅一白咁揀,我就勁鐘意佢個Penne arrabiata (香辣茄醬長通粉):P 狂食食食食:P :P 或者話 Penne arrabiata 本身就好好味[bomb] 小小地辣,又有茄醬^3^ 勁鐘意呢種配搭:P 所有醬都被我一滴不漏地清曬#yup# #yup#

之後仲係某店買左杯雪糕,見佢有抹茶味覺得好神奇:O :O 因為歐洲好少見,就買左#yup# 結果當然唔夠濃[sosad] [sosad] 係有抹茶味,但千其唔好期望會有日本抹茶雪糕既一半[sosad] [sosad]

最後,返去訓個靚覺聽日要早起去outlet:-] :-]
想買Prada、Gucci既千其唔好錯過啊!
(利申:我唔想買,我只係幫啊媽買[sosad]

………………………………………………………………
 歡迎 Like Facebook Page 緊貼最新既遊記及攻略 : 芒果豆腐花遊記