• 季節
  • 主題食玩
  • 天數9天及以上
  • 人数情侶
  • 文章性質遊記
  • 人均消費6000以下
【遊記】Day 4 意大利:從威尼斯去佛羅倫斯 中途既Verona半日遊
template7早上係火車站出發搭Flixbus到Verona,今日好好天!!!
(好想去威尼斯主島影相:~( )去到火車站,首先我地寄行李#yup# #yup# 。意大利火車站既行李寄存服務似乎比較興以店形式運作多過locker,價錢印象中唔平,主要因為佢以件數計。locker只要夠位,你買一個就塞幾多野都得,例如我地多數見4歐左右就租到一個locker,但呢度要起碼每人比4歐先keep到曬我地曬行李(仲好似唔止4歐)。[banghead] [banghead]放低曬D行李,接住就搭巴士去市中心#yup# #yup#紅、黃線係巴士黎既,紅線係建議路線,黃線係我地因為中伏而揀既路線,橙色就係落車之後往對面城堡既路線。我地大概將競技場果頭定為市中心。Verona站去果邊要搭程巴士,因為地圖上都見唔近既。呢度搭巴士有D難玩,因為同一個號碼既巴士係呢個火車站有曬往兩個方向既站,我地以為呢個已經係巴士線既總站於是一見到啱號碼就衝左上去,點知搭左反方向,好彩一路track住google map,我地搭返回頭車,係google map上Juliet’s House(假的!!下面講點假法)附近落車。:)第一程我地買左車票(車上有得用部機買),點知多人到痴線,成班中小學生放學逼到架車滿一滿[sosad] [sosad] [sosad] ,好多仲完全唔覺得有買票。同埋架車咁Full其實睇個勢都唔似會查票#hehe# #hehe# ,係呢個城市之後搭既車我地都無再買車票[sosad] [sosad][censored]

去到Google map上篤既(假)Juliet House個位附近,完全係無人,遊客都無,

似好普通既住宅區,已經開始feel到陣伏味,我地行左附近幾條街都完全唔見?_? ?_? 。之後我地求其問個當地人,佢都要諗(當地人都唔知:O :O ),諗左陣指左個方向,但都係唔見[sosad] (緊係啦,真果個都唔近呢頭[sosad] )。由於今日勁好天(超曬),兜左咁多路已經行左勁耐,又餓又熱[sosad] ,加上其實我地對Juliet其實無乜興趣,可去可不去,見搵極都搵唔到都嬲嬲地:-[ :-[ ,於是我地放棄,去食野算!

亂入左間pizza,環境幾好,係間幾靚既cafe,又係六歐之內有好多份pizza,食完都飽曬。

繼續起程去競技場:D ,途中見到有兩隻巨狗。

見到都熱[sosad] [sosad]

進入競技場之前,其實係有個城牆要過,

Verona呢個古城有個城牆包住左,所以都幾有古城feel,上網見到話如果自己揸車入去係要比過路費,呢層我就唔知真定假啦哈哈。

呢度除左學生放學,仲有好多中小學既戶外考察團,無論去到日本定歐洲,我都好羨慕佢地d考察團咁正,可以去奈良玩鹿、參觀清水寺,遊古城,好幸福,完全係我地去旅行做既野黎[sosad] [sosad] ,睇返我地,我地既考察團就係去細個完全唔會識欣賞既文化博物館…太空館…#oh# #oh#

競技場,幾大下,都有D新淨既感覺[sosad]

入面應該搞演唱會果類野?好多舞台燈咁

呢頭好旺,好多遊客,所以都幾肯定頭先google map個Juliet House一定唔係真既[sosad] [sosad]

至於點解會搵唔到Juliet間屋,後來發現因為如果係google map打Juliet’s House 彈出黎既其實全部都係BnB同酒店:o) :o) :o) 而我上面篤既假果個地址,其實係酒店黎#ng# #ng# 當時無睇清楚[sosad]真係要望下個位置上面d相驗證下#no# #no# 我果時狂打Juliet’s House Juliet’s House都搵唔到,果時醒唔起試意大利文[sosad] [sosad] 真既Juliet’s House要打意大利文搵,Casa di Giulietta (House of Juliet)[sosad]#kill# #kill# #kill# #kill# 唔怪得個意大利佬都唔知乜野係Juliet’s House [sosad] [sosad]

我地無入競技場,剩係去左手信店行個圈[sosad] 唔記得點解唔入,可能因為唔係特別有興趣入但又唔平之類,所以就skip左算,遲d去羅馬先睇(乜都skip[sosad] [sosad]

接住我地向河果邊行,沿途都有唔少商店,係我地所稱既「H&M街」——歐洲大部分城市一到市中心就一定有間H&M[sosad] 果條就係可以shopping既街,多數仲會有lush、bodyshop etc. 我地過左冬天就開左個shopping掣,於是見到H&M街多數都會認真行下D時裝店,間間入去望眼,不過今次無收獲[sosad] [sosad] [sosad]

呢度有間好似幾出名既雪糕,幾多人,好多望落好吸引既味,但服務有點西,同埋係少數唔比人試食既雪糕店:O 。不過因為太想食雪糕所以都係有買[sosad]今日勁熱

唔記得左咩味[sosad] [sosad]

呢條街周邊仲有個「景點」,叫Porta Borsar 波薩利門,呢舊野有D頹,尤其之後去完Croatia就知其實呢d野周街都係[sosad] ,但台妹遊記就吹到成個凱璇門咁:o) :o) :o) ,於是就算係要行入D先到我地都去左(是日勁曬[sosad] )。

點知去到,一塊薄野,正面睇ok,背面無野咁濟,總之係你路過都未必覺得係景點既野,伏味濃:o) ,水左男朋友同我行過黎[sosad] [sosad] ,影左一兩張相(又唔靚)就走,無野睇的,

唔係對D門呀碑呀好有興趣的話skip左絕對唔可惜。[sosad] [sosad]

不過之後我地見到間甜品店好似好吸引咁,於是就入去望下,目光完全被呢舊好似木星土星既cake吸住左,:P

見佢5歐左右又好似唔洗coperto,再加上呢間野好似幾高級咁應該係靚cake黎所以就買件試下,果然好正,好濃既一pat朱古力,又唔會一味得個甜字,好啱我地口味。

到比錢前一刻我都係食得有d唔安落[sosad] ,好驚食件cake都要比coperto變10歐[sosad] [sosad] 好彩最後無事,只係五歐:)

不過件cake真係幾好味^3^

路過左呢間餐廳,好似好高級咁,係係最入面果個中庭食野。不過望完餐牌個價錢#bye# #bye# #bye#

食完後,我地就打算經廣場望幾下就去河邊。點知今日廣場好似好多野睇,係我地最鐘意見到既market:P :P ,本新諗住個廣場都係正路大大個影幾張相就完,點知有野睇,驚喜^3^

有好多水果杯(一兩歐成大杯)、smoothie/juice(先兩歐)、磁石、手信野、工藝品果d,

水果杯品質並不精彩,但幾解渴

都幾多野啱我地睇,我地鐘意勁仔細咁睇呢D stalls,於是逗留左好耐。

因為呢個market,呢個算係令我印象幾深既廣場

係度買左呢個磁石,象徵呢個城市既Romeo and Juliet,仲要意大利色,唔錯唔錯:P ,但其實我地無去到Juliet之家[sosad] ,但見呢舊造得幾特別就買啦:) [sosad]

好熱鬧既廣場,非常之我心目中既意大利——古城既廣場中心有個噴泉類或者雕像之類既野,然後好多人坐係圍住佢既果條樓梯上面係度hea。可能因為呢個場面,我對Verona 既印象唔錯,幾鐘意呢度。:D

係度行左好耐、坐左好耐,之後就向河邊出發#yup# #yup#

路過d教堂仔呀之類,

行到河邊,環境ok,呢個時候好攰下,於是就係河邊D長椅坐下,點知哇頂極多蚊[sosad] [sosad] ,於是逼住繼續行#cn# #cn#

終點係上圖果堆樹果邊既城堡#yup#

過橋

河景真實睇係幾好,影出黎又一般[sosad] [sosad]

呢個時候唔知點解個天色開始差(感覺上威尼斯果舊雨雲成個trip追住我地黎行,好彩接住佢步划慢過我地#yup# #yup# )。

呢度雖然唔出名,但呢個河景我覺得都唔錯,當然唔係好精彩既絕景啦,不過好少人,流水聲,幾舒服。

對面岸有個城堡之類既野,入面好似無得入/無野睇的,多數D人去都只係想行上去從高處睇古城景。:)

不過其實呢個唔係必去景點黎,因為見trip advisor上面d人都無特別話好靚,亦有人話個view有D樹遮住等等,唔鐘意行樓梯或者爬山既我地當然上去之前要做個風險評估睇下行唔行得過#yup# #yup# #yup# ,不過今次我地因為見還掂都黎到,時間又尚早(好似先三、四點),個位目測唔算高,就行下啦#yup# #yup#

一半路程,呢度睇到舊鬥獸場,似乎準備緊演唱會[sosad] [sosad]

唔似Florence果個,呢度無人咁濟,上到去都得我地同另外兩三個人。[sosad] [sosad]

D路都輕鬆既。

呢度就係個景,果然係無乜料到[sosad] [sosad] ,有唔少好高既樹遮住,只能從條罅望,河都唔算好睇到好多,所以ok啦,並唔精彩[sosad] 。個鐘樓好搶眼#yup#

逗留左唔夠五分鐘我地就碌返落去,呢度有條樓梯幾靚,

我地係度互相影即影即有,係大張既。期間上圖呢對外國情侶見我地影得咁開心,個男既竟然(應該被條女lur佢)問我地可唔可以用我地部機幫佢幫影張即影即有[sosad] [sosad] [sosad] ,哇,無預期地有人夠膽問[sosad] [sosad] ,其實我地剩返好少相紙但仲有唔少地方要影相[sosad] [sosad] ,不過見佢咁勇敢加上佢地好似幾sweet咁,reject好似好掃興[sosad] [sosad] ,於是我地就影左張送比佢地:) ,記得影得好靚[sosad] [sosad] ,見到佢地走左後狂拎住張相黎影相:D :D 。點知,望望下遠處既佢地,我地先醒覺,仆街唔記得叫佢地幫返我地兩個影合照@_@ @_@ @_@ #bye# #bye# #:)#fs #:)#fs #:)#fs ,嗚哇,呢度影會好靚的:~( :~( :~(

行完呢度,都差唔多,

等車返車站。#yup# 有趣地,

今次架巴士係旅遊巴既車型黎,一上車我地就坐係司機位後放低野[sosad] ,之後先發覺無位買車票,只有duk 八達通果個位[sosad] ,我地未比錢,但司機完全無講野?_? ?_? ,接住既站有其他人(得兩三個)上車,有D有duk咭,有d好似又無:O ,於是結果係超級奇怪地我地就將錯就錯[sosad] [sosad] [sosad] ,逃票模式下坐左司機位正後面四個字,最後竟然又無事發生。[sosad] [sosad] 逃票之都[sosad] [sosad]

拎返行李後就出發去Florence:D :D

今次架車好舒服,勁新淨,仲有齊D usb位差電:D

晚到就抵達 Florence啦 !#yup#
………………………………………………………………

歡迎 Like Facebook Page 緊貼最新既遊記及攻略 : 芒果豆腐花遊記
更多遊記:芒果豆腐花遊記網站 https://mangotofufa.wordpress.com/