• 季節
  • 主題食玩
  • 天數1-4天
  • 人数個人
  • 文章性質遊記
  • 人均消費6000以下

【遊記】20180616 同我去新加坡hea下 簡單china town小食+日落

端五節去外地chill hea 下啦。去咗新加坡幾日。

一落機就即刻衝去ATM,再走去買tourist pass 3 days。買咗3 day passSG$20,搭MRTLRT,巴士都唔洗錢。

(某些路線唔包去http://thesingaporetouristpass.com.sg/ch/ 查下)

我今次又係住青年旅社,係china town內,即刻搭MRTchina town 站再行過去。

一去到china town,去到牛車水大廈附近,揾咗好耐都揾唔到。我見牛車水隔離有一D好似香港公共屋邨的房子,心諗應該係住宅,無理由係入面。但係google map 真係指要行入去……

揾咗好耐先揾到,reception 都揾咗好耐……reception 黑哂,燈都無開,係唔係去錯地方

但係我見到門鐘,都禁下睇下有無人出嚟啦!真係有反應,有人嚟啊!

不過間房……之後住宿體驗再講啦!

放下背包,即刻飛出去牛車水美食街揾嘢食,因為太肚餓啊,早餐到五點幾都無食嘢……乜嘢食物都好啦!最後叫咗 囉惹。我叫的囉惹好似水果囉惹,有菠蘿,油條,青瓜,炸豆腐乾等等。個醬食唔出乜嘢料,不過唔辣,都好味。重點係花生碎,本來生果濕濕地,好有水份,連埋花生碎多咗一重口感,好味咗好多。

之後去咗bayfront 站,係marine bay sands外的spectra water show睇日落。

影緊日落的時間,突然係頭上有好多飛機經過,好似軍事用的飛機,好整齊,有哂隊型,仲好嘈……

係我哋頭上飛咗一兩分鐘到,呢個係表演?不過都係一個好特別的經驗,從來都無見過有軍用機係自己頭上飛過,好近啊!

影完日落,燈光匯演我無睇到啊,走咗去Singapore flyer。諗住去體驗下禁大個摩天輪同係摩天輪上面影新加坡巿會好靚,不過真係太肚餓,係flyer下面食下嘢先啦。

肉骨茶都係新加坡有名的食物,當然要試下一,呢間唔係名店,隨便揀一間食,點咗肉骨茶麵線,本來想點套餐但係太大份,我可能食唔哂,所以點麵線。新加坡肉骨茶胡椒味好重,反之我食唔到乜嘢藥材味。肉骨都入哂味,我覺得唔差,不過呢間唔係傳統老店又唔係出名的食店,我覺得可以有更好的。

之後去排隊上skyer,不過真係好多人,多得太誇張了,買飛要等廿幾個人,等上摩天輪都要等四五十人……我揀錯日子去了……到最後我飛都無買就放棄了,返旅店訓啦!

FB https://www.facebook.com/timsontravel/

IG https://www.instagram.com/timson_travel/

Website https://www.timson-travel.com/