• 季節四季皆宜
  • 主題食玩
  • 天數5-8天
  • 人数幾個朋友
  • 文章性質食玩攻略
  • 人均消費6000以下

包括:大拖羅/中拖羅/赤身/蔥花拖羅/三文魚/白身魚/蝦/海膽/三文魚子/甜蛋

最好食嘅係吞拿魚,大同中拖羅係信心保證就不在話下,但有驚喜嘅係蔥花拖羅,蔥花配上攪碎嘅拖羅,唔會輸俾一件件嘅剌身。

其次就係白身魚、蝦、海膽同埋三文魚子,都係勝在夠新鮮。蝦大大隻,店家有準備到隻碟用黎裝蝦頭,夠細心。本身嘅海膽係外國黎嘅,我就加左錢轉做本地海膽,佢係火炙,多左種焦香味,比起直接食會少左鮮味,各有各好。三文魚子粒粒都幾鮮味,唔會腥。

三文魚同甜蛋就較普通,三文魚唔夠肥,去得日本都係主要食吞拿魚。甜蛋本身無乜研究,正正常常咁。

整體黎講都幾好食,係貴左少少,同樣嘅價錢去食壽司可以食到多D款式,但考慮到海鮮嘅質素以及香港嘅價錢,食下海鮮丼亦無不可。雖然成三百蚊食餐早餐係幾貴下,但當我睇到隔離個哥仔食個碗「五款海膽丼」要成四百幾蚊,我個碗都好似唔係好貴姐。

豪華虎杖丼 ¥2980
改為國產海膽 +¥1000

IG: @kwanjaieatallday