Day 4就係熊本一日遊～
本日行程：
博多>熊本>熊本城>櫻之小路>Lunch (大阪燒千房)>熊本熊辦公室>水前寺成趣園>返博多>Dinner(一雙拉面)>中洲屋台村
今日就係熊本一日遊啦！
一覺瞓醒, 又黎到我哋已經好熟悉嘅博多站
不過今次就唔係去普通月台
依家去既係新幹線嘅月台！～
子彈火車細細個就聽得多啦, 今次終於有機會嘗試一下搭呢種列車
其實搭緊嗰陣有啲似搭緊飛機咁, 好平穩
望住窗外面嘅景物不斷快速咁飛過, 但係架車都唔會震！
話咁快就到左熊本站啦, 迎接我哋嘅係一大個熊本熊嘅頭 xD
熊本熊作為熊本市嘅吉祥物, 喺熊本站嘅周圍都好易見到佢嘅蹤影～
因為我哋主要都會搭熊本市內既電鐵喺熊本市裏面周圍去
所以我哋都買咗張一日券
同其他嘅一日券唔同嘅地方係, 佢係需要自己劃去你使用嘅日期
咁就方便啲人可以買定將來嘅飛啦
雖然就話佢有分A線同埋B線, 但係其實佢哋都係去到一個站之後先會分開兩邊唔同嘅路
所以其實都幾易搭,唔使驚蕩失路
搭左一陣車,我哋就嚟到熊本城嘅外圍
由於熊本城喺熊本大地震嘅時候倒塌左, 依家都仲修葺緊, 所以我哋都冇得入去睇
唯有期待下次佢整返好嘅時候再嚟啦～
我哋熊本城嘅外圍影咗幾張相, 之後就去咗佢隔離嘅景點櫻之小路啦
可能因為嗰日係平日, 同埋經歷過熊本大地震,熊本既旅客都少咗嘅關係
入面其實唔係好多人
原本黎既時候打算嘗試一下佢著名嘅馬肉刺身, 但係因為朋友都唔係好感興趣
所以最後係街度見到馬肉嘅肉餅就買咗嚟試下就算
其實都唔係好食到買咗同牛肉有咩分別, 如果下次有機會嘅話都想試一試馬肉刺身!
行行吓, 我哋見到有間類似博物館嘅嘢, 就走左入去望下
雖然佢要收入場費, 但係唔算好貴, 所以我哋最後都決定左入咗去參觀
一入到去就見到一個俾人試着江戶時代嘅衫黎影相嘅地方
咁既然都俾左入場費, 當然就要影返夠本啦xdd
佢仲有細分唔同職業嘅衫, 比你自由選擇你想做咩角色
（佢嘅介紹係話呢個角度影過去就會好似立體一樣, 但係我就唔係好覺啦@@）
影夠之後, 我哋就正式參觀呢個湧湧座啦
其實呢個地方主要係介紹一下熊本城嘅歷史, 同埋講述一下熊本城嘅修葺進度
入面有唔同嘅模型, 介紹成座熊本城嘅建築方法, 同埋當時周圍嘅環境係點樣
佢入邊其實唔多展品, 所以行咗一陣好快就睇晒
係入邊行緊嘅時候, 我哋望出窗口見到有人表演緊, 咁就當然馬上衝出去睇啦！
原來樓下有人扮演緊古代嘅人物武將表演緊
佢地跳下舞, 耍下槍, 問吓啲觀眾問題咁
不過由於我日文都唔係太好, 所以都唔係好聽得明佢哋講乜嘢
（個動作好中二xddd）
我哋再行多左一陣, 發現冇乜嘢啱睇, 咁就離開咗去下一站, 出發去搵熊本熊!
我哋嘅下一站就係熊本熊辦公室
佢係位於一個商場嘅入面, 地下嘅一個小小角落
入面好細, 有一個熊本熊辦公室嘅位置, 俾啲遊客入去影吓相
另外就有一個舞台, 係比熊本熊出嚟表演嘅時候用嘅
最後當然唔少得嘅就係賣精品嘅地方啦～～
由於我哋早左去到嘅關係, 仲未有表演睇
所以我哋就上咗上面睇吓有咩食, 醫下肚先～
上面有一條類似餐廳街嘅野, 有各種唔同嘅餐廳
我哋最後就揀咗一間大阪燒嘅嚟食！
原本以為佢咁樣嘅擺設, 係比份食材俾我哋自己燒
但係點知佢係煮好晒先送過嚟, 塊鐵板只係用黎保溫
雖然少咗啲自己燒嘅樂趣, 但係見在佢都幾好食嘅份上就算啦@@
（好搞笑既模型xdd）
我哋一食完野, 就即刻落返熊本熊嘅辦公室, 點知原來已經有一堆人坐咗喺度等緊啦
我哋on居居坐咗喺度等多半個鐘, 終於見到熊本熊出現！
雖然唔係好聽得明佢講乜嘢, 但係睇住佢面前又跳下舞, 又玩下人咁都幾搞笑架xd
睇完熊本熊,我哋就出發前往我哋喺熊本嘅最後一站,水前寺成趣園
根據我當時睇嘅資料（唔知有冇記錯）, 呢個公園係一個皇帝, 為咗將各個唔同嘅山景放喺同一個地方
而起成嘅公園嚟嘅
雖然我自己就唔係好認得出咩山打咩山啦, 不過我就覺得呢個公園好舒服
而個環境都好靚～
(好似係傳說中既日式相體@@)
佢入面仲有一間神社仔, 其中特別嘅地方就係佢有一個長壽之水, 話飲完會長壽啲喎
我當然行埋去試左一啖, 希望真係會長壽啲啦XD
(入面仲有種菜@@)
除咗神寺, 入面仲有一個能樂殿
我估係一個講以前樂器嘅地方～
不過佢入面塊牌得日文, 所以我都唔係好sure@@
行完一個咁靚嘅公園之後, 太陽都已經就快落山
我哋都係時候返去熊本站搭車返博多啦
其實我地已經係差唔多熊本返博多既最後一班新幹線
如果時間許可既我都想留耐D
因為熊本其實仲有個出名既商店街我仲未行T^T
(臨走前見有d肚餓, 就買左個類似流沙奶黃包既包黎食xp)
(熊本另一種出名既野, 芥末蓮根, 不過因為朋友都冇乜興趣試, 所以我都係攞左一舊試食就算@@)
返到博多嘅時候已經入黑啦, 我哋返到Airbnb放低啲嘢之後, 就出咗去搵嘢食啦
臨出發之前, 我上網見到D人推薦既唔係D 咩大型連鎖拉面店, 而係一間小店, 叫做一雙
咁岩我一search一雙拉面就發現佢距離我地book 既airbnb 唔係好遠
跟住就plan左今日去試下啦!
(呢間都係其中一間好多人推薦既燒肉店, 不過我地就冇去食到,
原本諗住第五日臨走食既, 點知去到先發現佢果日休息…..)
行左大約5分鐘就到啦!
入面其實好細, 位置唔多, 同埋佢其實得好少款比你簡
我地三個都簡左叉燒拉面加蛋(冇蛋既拉面又點算係一碗拉面呢XDD)
佢D湯係白色既, 同平時食開果D有D唔同
我自己就覺得比起一蘭佢個味相對冇咁濃, 不過兩間一樣咁好食xp
食完飯見仲有D時間, 我地就打算去見識一下出名既屋台村
因為原本冇諗住過黎, 所以就冇查定佢係邊
今日一查先發現原來佢就係我地第一日行過果個位既隔離…..
如果果日有行埋過黎今日就唔駛專登過多黎一次@@
不過算啦, 旅行就係要有呢D低能野先得意!XD
anyway, 我地行下行下就到左屋台村啦
其實佢屋台既數量唔算多, 同埋食既野都係大同小異, 不過就有好多人坐係入面食緊
因為我地都已經食飽晒, 同埋佢D野食都唔平, 所以我地都冇試到
就咁係外面行個圈, 見識下就算
(上次冇留意到, 原來一蘭本店既對面有間黑色既family mart~)
行完屋台村, 我地就搭車返博多站啦
當然返去airbnb之前, 梗係要去買今晚既宵夜同埋聽朝既早餐啦~
End of Day 4
