• 季節四季皆宜
  • 主題食玩
  • 天數1-4天
  • 人数幾個朋友
  • 文章性質食玩攻略
  • 人均消費逐個項目分享

まぜそば(拌麵) ¥850
追加肉(一件)¥100
スキヤキ(壽喜燒風蘸汁)¥80

拌麵內容:鰹魚節/蒜味蛋黃醬/蔥花/薑蓉/蒜蓉/辣椒丸/生蛋/天婦羅碎/背脂/芽菜/粗麵/肉
蘸汁:魚粉/生蛋/蔥花

重點一:堆積如山嘅配料
#二郎系 拉麵,出左名配料多,呢間亦唔例外。一上枱,差唔多係睇唔到麵,主要係睇到堆芽菜。唔同配料對味道會有唔同程度嘅改變,就以辣椒丸/薑蓉/蒜蓉為例,三者都有自己嘅「辣」味,任君選擇。

重點二:唔止睇得,仲好打得
呢度嘅打得當然係講緊味道,較突出嘅包括肉、蛋黃醬、麵、同埋辣。肉,出奇地淋,接近入口即溶,但夾起依然挺身,唔會散晒,而且有肉味,讚!蛋黃醬我十分喜歡,佈滿表面,無論係配上芽菜、肉同麵嘅好夾。麵用上較粗身嘅麵,煮嘅時間似乎計算得啱啱好,帶少少咬口之餘亦唔會太硬身,香港實在少見。辣,正如上面所講,辣椒丸、薑蓉同蒜蓉各有自己嘅辣,三者之中,我比較中意薑同蒜,佢地個種含蓄嘅辣,係辣椒所做唔到,而且估唔到配上麵原來都幾好食。

重點三:壽喜燒(?)
名為壽喜燒嘅蘸汁,將牛肉蘸蛋汁嘅概念帶過來,變左蘸麵,可謂聞所未聞,勉強可以同沾麵扯上關係。味道方面唔係咩特別野,如果中意蛋香嘅朋友,絶對可以一試,蘸麵、肉、芽菜亦可。

總結:香港所體驗唔到嘅拉麵
一「堆」配料加上咁嘅份量,香港無乜邊間做得到,而且佢唔係淨係得個樣,仲好好食。加上個壽喜燒風蘸汁,絕對會令你覺得拉麵好似好陌生,同以往食開嘅有好大分別。

地址:東京都千代田区神田神保町2-2-21 土田ビル 1F

營業時間:[一至五] 11:00~14:45 (L.O.) 17:00~22:30 (L.O.) [六/假期] 11:00~15:45 (L.O.) 星期日唔開