• 季節四季皆宜
  • 主題食玩
  • 天數5-8天
  • 人数幾個朋友
  • 文章性質食玩攻略
  • 人均消費6000-16000
1.
相信大家對依款雪糕都唔陌生,係日本好受歡迎,仲拎過唔少獎,日本周圍都會見到依間雪糕店,上年亦登陸左香港,但香港個價錢真係唔捨得食,在日本大概只需¥500(每區都有少少差價)。

作為雪糕控每次到日本必吃雪糕之一,口感超滑超軟熟超creamy。雪糕以波浪紋既流線,用北海道既優質鮮忌廉而整成, 25% 鮮忌廉同12% 高乳脂肪增加左雪糕既奶味,同時相對地比一般雪糕較易融。雪糕筒係由法式小餅乾「Langue De Chat」製成,有d類似「白之戀人」曲奇質感既脆筒。

最近,東京出左朱古力味,朱古力味道濃,大家經過可以去試下

2.
熊本城

小編除左好鐘意抹茶雪糕之外,仲好鐘意食豆腐味既雪糕,日本既豆腐雪糕特別濃郁,日本都用真材實料,一入口好濃既豆腐味瞬間擴散口入面,感覺好似飲緊好濃既豆漿,加上唔太甜既調味,比較特別,比想像中好食,大家到日本不妨一試豆腐味雪糕。

依間雪糕店位於熊本城入面,日本大部分雪糕店都有豆腐味。

3.
桜アイスクリーム Sakura Ice Cream

小編係太宰府見到有季節限定櫻花味既雪糕就買左黎試,好奇想知道櫻花係咩味道,粉紅色既外表的確好吸引,不過小編就麻麻地櫻花既味道,但係幾特別既,味道好清新,唔太濃,小編反而想試下梅花味既雪糕。

4.
海鹽味雪糕
係大阪和歌山千疊敷旁邊有間賣手信,入面有間雪糕店,有好多口味,小編揀左海鹽味,好少有海鹽味既雪糕,口感幾特別,咸咸地既雪糕都唔錯,如果經過任何一間雪糕店有海鹽雪糕可以試一試。
Instagram/FB page: k.travellingjapan (Travel K)